პროკურორის მიერ სახელმწიფო ბრალდების განხორციელებაზე უარის თქმა და მისი სამართლებრივი შედეგები

მოცემული წიგნი წარმოადგენს ახალგაზრდა მკვლევრის მონოგრაფიას „პროკურორის მიერ სახელმწიფო ბრალდების განხორციელებაზე უარის თქმა და მისი სამართლებრივი შედეგები“. სისხლის საპროცესო სამართლის პრობლემებზე არსებულ სპეციალური ლიტერატურის სიუხვით, არც თუ განებივრებული მკითხველისათვის გაკეთდა საკმაოდ კარგ თეორიულ დონეზე  გამოკვლევა, რომელშიც ვრცლადაა გამოყენებული- სასამართლო-საგამოძიებო პრაქტიკა.
მონოგრაფია შედგება შესავლის, 4 თავის, 18 პარაგრაფის, დასკვნის,  ბიბლიოგრაფიული ჩამონათვალისგან და დამატებითი ნაწილისგან, რაც წარმოდგენილია სულ 291 გვერდზე. ნაშრომი აქტუალურია, ვინაიდან ის პირველი მცდელობაა სისხლის საპროცესო სამართლის მეცნიერებაში ურთულესი პრობლემის გადაწყვეტისა.
მონოგრაფიის მთავარი თემაა სისხლის სამართლის პროცესის მთავარი ფიგურის, პროკურორის, ისეთი დისკრეციული უფლებამოსილება, როგორიც არის სახელმწიფო ბრალდებაზე უარის თქმა, და მისი სამართლებრივი შედეგები. ეს საკითხი ქართული სამეცნიერო წრეების მიერ ჯეროვნად შესწავლილი არ არის და პრობლემურია, რაც იმას გულისხმობს, რომ საკვლევი თემის მიმართ ერთიანი მიდგომა ჩამოყალიბებული არ არის.